Ísrael ætlar að taka þátt í Söngvakeppni evrópskra sjónvarpsstöðva, Eurovision, á næsta ári.
Ísraelska ríkisútvarpið staðfestir þetta í samtali við sænsku útvarpsstöðina Sveriges Radio.
Söngkonan Eden Golan tók þátt fyrir hönd Ísraels í keppninni í ár. Þátttaka Ísraela var harðlega gagnrýnd, meðal annars hér á landi, vegna stríðsins fyrir botni Miðjarðarhafs.
Þá var baulað á Golan er hún flutti lag sitt á lokakvöldi Eurovision.
Golan hafnaði í fimmta sæti og tileinkaði hún þátttöku sína í keppninni þeim gíslum sem hryðjuverkasamtökin Hamas tóku 7. október.