Bandaríska leikkonan Christina Applegate birti færslu á samfélagsmiðlasíðunni X, áður þekkt sem Twitter, í gærdag og greindi frá því sem hún vill áorka áður en hún kveður jarðlífið.
Applegate, sem hefur rætt opinskátt um baráttu sína við MS-sjúkdóminn (e. multiple sclerosis) undanfarin ár, greindist með sjálfsofnæmissjúkdóminn snemma árs 2021.
Stærstu draumar leikkonunnar eru að leika á móti átrúnargoði hennar, leikkonunni Shirley MacLaine, en sú fagnaði 90 ára afmæli sínu í apríl síðastliðnum. Applegate vill einnig taka skot með söng- og leikkonunni Cher.
There are things I want to do with the days I have left in life. I want to work with Shirley MacLaine And do shots with cher! And yes my days are so big. Just saying.
— christina applegate (@1capplegate) July 3, 2024
Applegate, sem hefur lítið sést á skjánum síðastliðin ár, heldur úti hlaðvarpsþættinum MeSsy ásamt góðvinkonu sinni, leikkonunni Jamie-Lynn Siegler, en hún glímir við sama sjúkdóm og hefur gert síðastliðin 20 ár. Stöllurnar ræða reglulega um það hvernig sé að takast á við daglegt líf með ólæknandi hrörnunarsjúkdóm.