Ætlaði að myrða breska stjörnu – Fékk lífstíðardóm

Karlmaður á fertugsaldri sem ætlaði að nema á brott, nauðga og myrða breska sjónvarpsstjörnu hefur verið dæmdur í lífstíðarfangelsi og þarf hann að dúsa á bak við lás og slá í að minnsta kosti 15 ár. 

Frétt af mbl.is

Mun ekki bera vitni í réttarhöldunum

Gavin Plumb, 37 ára, var í síðustu viku fundinn sekur um að hafa ætlað að sitja fyrir sjónvarpskonunni Holly Willoughby, 43 ára, heima hjá henni áður en hann hugðist fara með hana í eins konar dýflissu.

Réðust inn á heimili hans

Hann var handsamaður eftir að bandarískir lögreglumenn gengu, undir dulnefni, til liðs við hóp á netinu og sendu pósta Plumbs til bandarísku alríkislögreglunnar, FBI. Breska lögreglan fékk gögnin í framhaldinu og réðst inn á heimili hans í Harlow í suðausturhluta Englands. Þar fundust snúrur, klóróform og fleira sem hefur verið notað til að ræna fólki.

Frétt af mbl.is

Ætlaði að nema á brott og myrða sjónvarpsstjörnu

Saksóknari sagði fyrir rétti að Plumb hefði einnig ætlað að skaða eiginmann Willoughby og börn þeirra.

Á Englandi og í Wales endist lífstíðardómur þangað til fanginn lætur lífið en í flestum tilfellum afplánar fanginn lágmarkstíma í fangelsi þangað til hann fær reynslulausn.

Frétt af mbl.is

Kveður eftir 14 ár á skjánum

• Blogga um frétt