Kim Kardashian, raunveruleikastjarna og athafnakona, var meðal gesta í brúðkaupi indverska milljarðamæringsins Anant Ambani og Radhiku Merchant sem fór fram í Mumbai á Indlandi um helgina. Veisluhöldin, sem voru hin glæsilegustu, stóðu yfir í þrjá daga með tilheyrandi herlegheitum og íburði.

Klæðnaður Kardashian vakti mikið umtal og er sagður hafa hneykslað veislugesti og aðra viðstadda. Ástæða þess er sú að raunveruleikastjarnan kaus að klæðast rauðu frá toppi til táar á tvo af viðburðum helginnar, en samkvæmt hindúatrú og hefð er það litur brúðarinnar.

Á Indlandi klæðast indverskar brúðir rauðum lit á brúðkaupsdaginn en þar í landi er liturinn tákn um hugrekki, styrk og auð.

Kardashian, sem mætti ásamt systur sinni, Khloé Kardashian, birti þó nokkrar færslur á Instagram-reikningi sínum sem sýndu frá hátíðarhöldunum og fékk yfir sig holskelfu af athugasemdum í kjölfarið þar sem margir sökuðu hana um að stela athygli frá brúðinni. 

Tengdar fréttir

Kardashian

Krafðist þess að hún skilaði hringnum

• Khloé Kardashian vill leiðrétta misskilning dóttur sinnar
• SKIMS-merki Kim Kardashian í samstarf með Nike
• „Brotinn fótur en samt í tísku“
• Khloé búin að hressa upp á útlitið fyrir jólin

» Fleiri tengdar fréttir

Instagram

„Vamba-þjófurinn“ hefur flúið land

• Árni Björn nýtti sér blíðviðrið og þreif pallinn kviknakinn
• Myndskeið áhrifavalds hefur vakið mikla hneykslun
• Fékk morðhótanir eftir falsfréttir frá Musk
• Olga Lilja og Bergsteinn ástfangin á árshátíð RÚV

» Fleiri tengdar fréttir

• Blogga um frétt