Bandaríska söngkonan Taylor Swift kveðst vera í áfalli eftir árásina sem var framin á dansnámskeiði í bænum Southport í Englandi í gær. Dansnámskeiðið var með sérstöku Taylor Swift-þema.
Tvö börn létu lífið í árásinni. Sex börn og tveir fullorðnir eru í lífshættu. Sautján ára drengur er grunaður um verknaðinn.
„Ég er bara algjörlega í sjokki,“ segir í yfirlýsingu sem Swift birti á Instagram í dag.
„Þetta voru bara litlir krakkar í danstíma,“ segir Swift enn fremur.