Sonur norsku krónprinsessunnar Mette-Marit hefur verið handtekinn vegna líkamsárásar.

Marius Borg Hoiby er sonur prinsessunnar úr fyrra sambandi, áður en hún giftist Hákoni krónprinsi Noregs.

Marius er þannig ekki í erfðarröð norsku krúnunnar og gegnir ekki konunglegum skyldum. 

Karl á þrítugsaldri handtekinn

Lögreglan í Ósló var kölluð til íbúðar aðfaranótt sunnudags vegna deilna milli karls og konu.

Karlinn sem var sagður vera á þrítugsaldri var í kjölfarið handtekinn.

Fjölmiðlar komust á snoðir um að Marius hefði verið sá sem var handtekinn og lögreglan hefur nú staðfest að svo hafi verið. 

Marius liggur undir grun um skemmdarverk og líkamsárás. Lögreglan segir að Marius og konan þekkist.

Hákon krónprins er á Ólympíuleikunum og sagði við fjölmiðla fyrr í dag að hann teldi það ekki vera skynsamlegt að tjá sig að þessu sinni, en að málið væri alvarlegt.  

Tengdar fréttir

Kóngafólk í fjölmiðlum

Katrín hefur lokið við lyfjameðferð vegna krabbameins

• Andrés þarf að greiða fyrir viðhald og öryggisgæslu
• Drottningin var dónaleg við McKellen
• Prinsessan og seiðmaðurinn gift
• Katrín mætti í sunnudagsmessu

» Fleiri tengdar fréttir

• Blogga um frétt