„Smá eins og Jón væri að missa vitið“

„Þetta var ör­ugg­lega svo­lítið skrýtið fyr­ir fólk sem var á svæðinu og þá sem horfðu á þetta í beinni út­send­ingu,“ seg­ir Ingólf­ur Páll Ægis­son Norðdahl, frá markaðsdeild Sím­ans, í sam­tali við mbl.is um ræðu Jóns Jóns­son­ar tón­list­ar­manns á Tóna­flóði Rás­ar 2 í gær­kvöldi.

„Það var smá eins og Jón væri að missa vitið.“ 

Áður en stráka­hljóm­sveit­in IceGuys steig á sviðið fór Jón Jóns­son með langa rullu á sviðinu og lýsti yfir sak­leysi IceGuys. 

Frétt af mbl.is

IceGuys í ban­astuði

Ný sjón­varps­sería IceGuys er vænt­an­leg síðar á ár­inu.

Part­ur af nýrri seríu

„Ég veit að ég og vin­ir mín­ir í Iceguys erum ekki hátt skrifaðir hjá ykk­ur eft­ir allt sem hef­ur gengið á en ekki trúa öllu kjaftæði sem þið heyrið, ótrú­leg­ustu öfl hafa verið að vinna gegn okk­ur...við erum ekki vond­ir strák­ar, bara venju­leg­ir,“ var meðal þess sem Jón sagði á sviðinu áður en tón­leik­ar hljóm­sveit­ar­inn­ar hóf­ust. 

Að sögn Ing­ólfs var sviðsfram­koma Jóns tek­in upp og flétt­ast atriðið inn í söguþráðinn í ann­arri þáttaseríu um hljóm­sveit­ina IceGuys, sem sýnd­ir verða síðar á ár­inu á sjón­varpi Sím­ans. 

Hundrað þúsund manns á Arn­ar­hóli og allt gekk upp 

Fram­leiðslu­fyr­ir­tækið Atla­vík sér um gerð þátt­anna og fjöl­mennt upp­tök­ulið á þeirra veg­um var statt á Arn­ar­hóli til að mynda ræðu Jóns.

At­b­urður­inn var þaul­skipu­lagður, eins og fram kem­ur í til­kynn­ingu frá Sím­an­um. Margt þurfti að ganga upp á þess­um 100.000 manna viðburði á Arn­ar­hóli og glugg­inn var mjög stutt­ur. Að sögn Hann­es­ar Þórs Hall­dórs­son­ar hjá Atla­vík gekk allt að ósk­um. 

Aðspurður seg­ir Ingólf­ur að þeir hafi verið bún­ir að fá leyfi hjá RÚV og að tikkað hafi verið í öll box varðandi hvort tón­leika­gest­ir hefðu þurft að vita af þessu fyr­ir fram. 

Hljóm­sveit­in held­ur tón­leika í Laug­ar­dals­höll 14. des­em­ber og hefst miðasala 2. sept­em­ber.

• Blogga um frétt