Crossfitungstirnið Bergrós Björnsdóttir lauk á dögunum keppni á heimsleikunum unglinga í Crossfit sem fór fram í Michigan í Bandaríkjunum. Bergrós hafnaði í fimmta sæti í sínum aldursflokki, en hún keppti í 16-17 ára flokki kvenna. 

Á mótinu var keppt í átta greinum og sigraði Bergrós þriðju greinina sem voru ólympískar lyftingar, annars vegar snörun (e. snatch) og jafnhending (e. clean and jerk). Þar lyfti hún 435 pundum, eða 197 kílóum. 

Bergrós hafnaði í þriðja sæti í annarri og sjöttu greininni, sjöunda sæti í fjórðu greininni og áttunda sæti í sjöundu greininni.

Á undanförnum árum hefur Bergrós náð frábærum árangri, bæði í Crossfit og lyftingum, en hún hafnaði í þriðja sæti á heimsleikum unglinga í Crossfit á síðasta ári og vann silfur í -71 kg flokki kvenna á heimsmeistaramóti 17 ára og yngri í Perú fyrr á árinu.

Frétt af mbl.is

Mætti á hækjum en vann silfur

Frétt af mbl.is

Bergrós sú þriðja besta í heimi

Frétt af mbl.is

Tveir bestu táningarnir Íslendingar

Tengdar fréttir

Crossfit

Staðfesta nafn látins Crossfit-keppanda

• Íslenskar crossfit-stjörnur minnast hins látna
• Fannst látinn á heimsleikunum
• Telja keppanda hafa drukknað á heimsleikunum
• „Ég eiginlega trúi þessu ekki enn þá“

» Fleiri tengdar fréttir

• Blogga um frétt