Þáttaraðirnar Shōgun, The Bear og Baby Reindeer sópuðu til sín verðlaunum á Emmy-verðlaunahátíðinni sem fór fram í Los Angeles í Bandaríkjunum í nótt. Allar hlutu þær fjögur Emmy-verðlaun hvor.
Þá fengu leikararnir Hiroyuki Sanada og Anna Sawai verðlaun fyrir hlutverk sín í þáttunum Shōgun. Bæði voru valin bestu aðalleikararnir í dramaþáttaröð.
Leikarinn Jeremy Allen White var valinn besti grínleikarinn fyrir hlutverk sitt í þáttaröðinni The Bear. Þá fengu aukaleikararnir Ayo Edebiri, Liza Colón-Zayas og Jamie Lee Curtis einnig verðlaun fyrir hlutverk sín í þáttunum.
Leikkonan Jean Smart var valin besta grínleikkona í aðalhlutverki fyrir hlutverk sitt í Hacks, en þáttaröðin var einnig valin besta gamanþáttaröðin.
Jessica Gunning og Richard Gadd hrepptu verðlaun fyrir hlutverk sín í smáþáttaröðinni Baby Reindeer.
Lista yfir verðlaunahafa má finna á vef CNN.