Skrifar um ást og sorg í lífi Jónasar
Setja bókamerki
Sjálft þjóðskáldið Jónas Hallgrímsson er í aðalhlutverki í nýrri skáldsögu Arnaldar Indriðasonar sem kemur út 1. nóvember. Þetta verður í annað skiptið sem Arnaldur hvílir sig á spennusagnarforminu og skrifar sögulega skáldsögu. Hann leggur óhræddur á djúpið og segir að hver rithöfundur geti skrifað um sinn Jónas eins og hann vill.
Saga Arnaldar kallast Ferðalok sem vísar hvort tveggja til þekktasta ástarljóðs Jónasar og banalegunnar í Kaupmannahöfn. Eins og Arnaldar er von og vísa tókst honum að þefa uppi gamalt sakamál frá æskuárum Jónasar sem tvinnast saman við upprifjun söguhetjunnar á æskuárum sínum.
„Ferðalok fjallar um ástsælasta ljóðskáld Íslands fyrr og síðar og hvernig það flækist í sakamál þegar það kemur til sumardvalar í Öxnadalnum árið 1828. Ungur smali sem hann þekkti hefur horfið af bæ í dalnum og enginn veit um afdrif hans og það er nokkuð sem átti sér stað í veruleikanum. Allt rifjast það upp fyrir skáldinu eftir að hann leggst fótbrotinn inn á Friðriksspítala í Kaupmannahöfn árið 1845 sem reynist vera hans banalega. Þetta er saga um ástina og vináttuna og sorgina og eftirsjána í lífi Jónasar,“ segir Arnaldur.
„Ég var að lesa um Jónas einu sinni sem oftar þegar ég veitti því athygli sem mér hafði yfirsést áður að þetta mannshvarf bar upp á sama tíma og Jónas kom heim úr ferðalaginu norður heiðar sem lagði grunninn að frægasta ástarkvæði bókmenntasögunnar, Ferðalokum. Mér fannst eins og ég hefði hitt á gott söguefni með því að spinna þetta tvennt saman. Um leið er dregin upp mynd af tveimur efnispiltum í sveitinni; annar fær tækifæri til þess að mennta sig, hinn er bundinn á klafa fátæktar.“
Ítarlegt viðtal er við Arnald í laugardagsblaði Morgunblaðsins.
„Hissa á að ráðherra hafi skipað þetta“
Höfum tekið á móti of mörgum flóttamönnum
„Afar skemmtilegt verkefni“
Félagsmenn Sameykis talað fyrir úrsögn úr BSRB
Ævisaga Geirs H. Haarde að koma út
Skýrsla um Hvassahraun „vonbrigði“
Skýr skilaboð um að flýta vinnunni
