Dánarorsök TikTok-stjörnunnar Taylor Rousseau Grigg hefur verið gerð opinber. Samkvæmt E-News lést hún 4. október síðastliðinn úr astma og Addisons sjúkdómnum eða nýrnahettubilun.
Addisons er langvinnur og sjaldgæfur sjúkdómur sem orsakast af því þegar líkaminn framleiðir ekki nóg af kortisóli og aldósterón hormónum. Sjúkdómurinn hefur einnig áhrif á nýrnahetturnar, sem reynist banvænt sé hann ómeðhöndlaður.
Áður en Grigg lést hafði hún talað opinskátt um astma sjúkdóminn og þau áhrif sem hann hafði á líf hennar.
Í Instagram-færslu sem stjarnan setti inn í mars á þessu ári sýnir hvar hún liggur á sjúkrahúsi. Í færslunni sagði hún að góðu dagarnir hennar gætu litið öðruvísi út en hjá flestum, en að slæmu dagarnir minntu hana á hve dýrmætir góðu dagarnir væru.