Fyrrverandi barnastjarna segist sakna svallveislna Combs
Setja bókamerki
Tengdar fréttir
Poppkúltúr
/frimg/1/36/90/1369085.jpg)
Fyrrverandi barnastjarnan Shad Gregory Moss, best þekktur undir listamannsnafninu Bow Wow, var gestur í bandaríska hlaðvarpsþættinum More to the Story nú á dögunum og ræddi meðal annars um upplifun sína af svallveislum tónlistarmannsins Sean Combs, einnig þekktur sem P. Diddy.
Bow Wow, sem var tíður gestur í veislum rapparans, sagðist þegar sakna svallveislnanna og viðurkenndi að ákveðið tómarúm hafi nú myndast í Hollywood, en veislur Combs löðuðu til sín skærustu stjörnur heims.
Þar má nefna nöfn eins og Leonardo DiCaprio, Justin Bieber, Beyoncé, Jay-Z, Jennifer Lopez og Ashton Kutcher.
Bow Wow, sem er 37 ára gamall og best þekktur fyrir lagið That's My Name, sagði handtöku rapparans marka endalok ákveðins tímabils í Hollywood og lýsti Combs sem sannkölluðum hliðarverði áfengis, svalls og góðra stunda.
Hann hefur verið harðlega gagnrýndur fyrir ummæli sín sem flestum finnast óviðeigandi í ljósi viðburða síðustu vikna.
Combs var handtekinn í New York um miðjan september og ákærður í kjölfarið fyrir fjárkúgun og kynlífsþrælkun. Réttarhöld yfir tónlistarmanninum munu hefjast þann 5. maí á næsta ári og mun Combs sæta gæsluvarðhaldi fram að réttarhöldunum.
Tengdar fréttir
Poppkúltúr
Fá ekki frekari bætur þrátt fyrir galla og myglu
Verðum að skoða alla möguleikana sem eru í stöðunni
Segir „sögulegum vendipunkti“ náð
Skiptast á eldflaugaárásum
25 börn fengu pláss en leikskólinn áfram lokaður
Tilgangslausar hleranir sem fóru á flakk
„Höfum verið í sambandi við stjórnendur fyrirtækisins“