Treysti sér ekki til að setjast í dómarastólinn eftir sorgartíðindi gærdagsins

Áheyrnarprufum fyrir nýjustu þáttaröð Britain’s Got Talent hefur verið frestað vegna óvænts andláts breska tónlistarmannsins Liam Payne.

Frétt af mbl.is

Liam Payne er látinn

Simon Cowell, einn af dómurum hæfileikakeppninnar, treysti sér ekki til að setjast í dómarastólinn eftir sorgartíðindi gærdagsins, en Cowell var mikill vinur Payne og á heiðurinn af stofnun strákahljómsveitarinnar One Direction.

Allir fimm meðlimir sveitarinnar mættu í áheyrnarprufur í The X Factor árið 2010 og sýndu sönghæfileika sína, þá sem sólósöngvarar, en komust ekki langt. Cowell tók þá til sinna ráða og ákvað að mynda strákahljómsveit sem varð fljótt ein sú allra vinsælasta í heiminum.

Frétt af mbl.is

Óttaðist um Payne fyrir andlátið

Það var breska miðasölufyrirtækið Applause Store sem deildi færslu á samfélagsmiðlasíðunni X og greindi frá því að áheyrnarprufur sem áttu að fara fram í borginni Blackpool í dag hefðu verið frestað.

Cowell hefur ekki tjáð sig opinberlega um andlát Payne.

• Blogga um frétt