Liam Payne rekinn stuttu fyrir andlátið
Setja bókamerki
Útgáfufyrirtækið Universal Music er sagt hafa rekið Liam Payne aðeins nokkrum dögum fyrir andlát hans.
Payne hafði verið á samningi hjá Capitol Records, dótturfyrirtæki Universal, frá júlí 2016 eftir að liðsmenn strákasveitarinnar One Direction ákváðu að fara hver í sína átt.
Universal birti yfirlýsingu á Instagram-reikningi fyrirtækisins í gærkvöldi og kváðust harmi slegin yfir fregnunum af dauða Payne.
Söngvarinn gaf út sína fyrstu sólóplötu árið 2019 en seinni plata hans hafði verið í bígerð er Universal sagði honum upp. Á almannatengill hans einnig að hafa sagt upp nokkrum dögum fyrir andlátið samkvæmt The Daily Mail.
Gagnrýndur fyrir ofbeldishegðun
Payne hefur talað opinskátt um áfengisvanda sinn og erfiðleika tengdu því að skjótast upp á stjörnuhimininn ungur að aldri.
Skömmu fyrir andlátið sætti hann mikilli gagnrýni á samfélagsmiðlum eftir að fyrrverandi sambýliskona hans, Maya Henry, hóf að tjá sig um samband þeirra og ofbeldisfulla hegðun hans í hennar garð.
Greint var frá því á miðvikudagskvöld að Payne væri látinn aðeins 31 árs að aldri eftir fall af svölum á hóteli í höfuðborg Argentínu, Buenos Aires.
Starfsfólk hafði áhyggjur
Hefur síðar komið á daginn að áhyggjufullt starfsfólk hótelsins hringdi á neyðarlínuna vegna áhyggna af Payne vegna ástands hans.
Argentískir miðlar greindu frá því að hótelstjórinn hefði hringt í neyðarlínuna og tilkynnt gest sem væri „á fíkniefnum og að eyðileggja herbergið“.
Kvaðst hótelstjórinn hafa áhyggjur af því að á herbergi gestsins væru svalir og að gesturinn myndi gera eitthvað sem myndi stefna lífi hans í hættu.
Alma Möller í framboð fyrir Samfylkinguna
Ganga sátt af fundi eftir „einlæga“ afsökunarbeiðni
/frimg/1/52/24/1522428.jpg)
„Liður í því að það verði líflegra í bænum“
Halla Hrund leiðir Framsókn: Sigurður Ingi í 2. sæti
Kennarar í MR samþykkja verkfall
„Áhættan hefur verið stórlega ofmetin“
Forsetaframbjóðendur flykkjast í framboð
Sýknudómur í Lindarhvolsmálinu stendur