Rapparinn Drake frumsýndi nýtt útlit á samfélagsmiðlinum Instagram í vikunni þegar hann skartaði stelpulegri hárgreiðslu.
Það er ekki í frásögur færandi að rapparinn sé með nýja hárgreiðslu en hins vegar hefur hann aldrei farið þá leið að vera með fléttaða tíkarspena. Og sitt sýndist hverjum um útlitið.
Einn spurði af hverju hann líktist kvenkyns karakter úr kvikmyndinni The Polar Express.
Myndina setti hann inn í Instagram-söguna sína þann 15. október. Hann var í gallaklæðnaði og hvítum Nike Air Force 1-skóm. Klæðnaður Drake féll þó í skuggann af hárgreiðslunni sem vakti enn meiri athygli.