Ástralska leikkonan Nicole Kidman táraðist á rauða dreglinum þegar hún minntist móður sinnar sem lést í síðasta mánuði, 84 ára að aldri.

Óskarsverðlaunaleikkonan var viðstödd frumsýningu annarrar þáttaraðar Lioness á miðvikudagskvöldið þegar hún var spurð út í líðan sína eftir móðurmissinn.

Frétt af k100.is

Syrgir móður sína

Kidman var stödd á Ítalíu, meðal gesta á kvikmyndahátíðinni þar í borg, þegar henni bárust þau miklu sorgartíðindi að móðir hennar, Janelle Anne Kidman, hefði látist. Leikkonan, sem flaug strax til heimalands síns, Ástralíu, er aðeins nýlent aftur í Bandaríkjunum eftir að hafa jarðað móður sína.

Leikkonan brosti blítt til ljósmyndara á frumsýningu Lioness en barðist við tárin þegar blaðamaður The Hollywood Reporter sagðist samhryggjast fjölskyldu hennar og spurði út í líðan.

„Þetta hefur verið erfitt,” svaraði Kidman hreinskilningslega. „Þetta er erfiður vegur. Ég hangi svona. Ég vildi samt óska þess að mamma væri hérna hjá mér.”

Tengdar fréttir

Poppkúltúr

Alsystir Prince látin 64 ára

• Jason Kelce og Taylor Swift láta eins og ekkert sé eftir ljótt atvik
• Þurfti að bæta við sætum vegna mikillar aðsóknar
• Sigraði hrekkjuvöku sem Halla Tómasdóttir
• Gagnrýnd fyrir að bera krossinn á milli brjóstanna

» Fleiri tengdar fréttir

• Blogga um frétt