Wayans-bræðurnir, Marlon og Shawn, eru með nýja Scary Movie-mynd í bígerð. Myndin, sem er sambland af hrollvekju og gamanmynd, verður sú sjötta í röðinni, en 24 ár eru liðin frá því að fyrsta myndin í seríunni leit dagsins ljós.

Scary Movie-serían er gamansöm skopstæling á nokkrum af þekktustu hrollvekjum kvikmyndasögunnar og má þar nefna The Exorcist, Poltergeist, Scream, I Know What You Did Last Summer, The Ring og Saw.

Margir bíða í ofvæni

Marlon greindi frá gleðitíðindunum á Instagram-síðu sinni á þriðjudag og er greinilegt að margir bíða í ofvæni eftir nýjustu myndinni, en hátt í 700.000 manns hafa þegar líkað við færsluna og margar þekktar Hollywood-stjörnur, þar á meðal Lizzo, ritað athugasemdir og beðið um hlutverk í myndinni.

„Við erum mætt aftur!!! Eftir ríflega 20 ár ætla Wayans-bræðurnir loksins að gefa aðdáendum það sem þeir hafa beðið eftir...Scary Movie snýr aftur,“ skrifaði leikarinn meðal annars við mynd af sér og Ghostface.

Tengdar fréttir

Poppkúltúr

Alsystir Prince látin 64 ára

• Jason Kelce og Taylor Swift láta eins og ekkert sé eftir ljótt atvik
• Þurfti að bæta við sætum vegna mikillar aðsóknar
• Sigraði hrekkjuvöku sem Halla Tómasdóttir
• Gagnrýnd fyrir að bera krossinn á milli brjóstanna

» Fleiri tengdar fréttir

• Blogga um frétt