Hrekkjavökubúningur kanadísku ofurfyrirsætunnar Winnie Harlow vakti athygli veislugesta er hún mætti í hrekkjavökupartí í Los Angeles á miðvikudagskvöldið.

Harlow, sem heitir réttu nafni Chantelle Whitney Brown-Young, klæddi sig upp sem diskódrottningin Diana Ross og mætti í partíið íklædd gegnsæjum samfestingi sem skildi lítið eftir fyrir ímyndunaraflið. Glitrandi skrautsteinar huldu hennar heilagasta.

Ross klæddist sams konar búningi á plötuumslagi hljómplötunnar Everything is Everything sem kom út árið 1970.

Frétt af mbl.is

„Krakkar kölluðu mig belju og bauluðu“

Harlow, 30 ára, er með sjálfsofnæmissjúkdóminn skjallblettir (e. vitiligo) og hefur vakið mikla athygli á sjúkdómnum, enda neitar hún að hylja húðblettina og fagnar þeim frekar.

Hún skráði nafn sitt á spjöld sögubókanna árið 2016 þegar hún gerðist fyrsta fyrirsætan með sjúkdóminn til að ganga tískupallinn fyrir undirfatarisann Victoria’s Secret.

Síðan þá hefur hún gengið tískupalla fyrir stærstu og þekktustu tískuhús í heimi og prýtt forsíður allra helstu tískutímarita.

Tengdar fréttir

Poppkúltúr

Alsystir Prince látin 64 ára

• Jason Kelce og Taylor Swift láta eins og ekkert sé eftir ljótt atvik
• Þurfti að bæta við sætum vegna mikillar aðsóknar
• Sigraði hrekkjuvöku sem Halla Tómasdóttir
• Gagnrýnd fyrir að bera krossinn á milli brjóstanna

» Fleiri tengdar fréttir

• 1 blogg um fréttina

Bloggað um fréttina

• Guðmundur Örn Ragnarsson: Hrekkjavaka skemmtir Skrattanum þegar hann lætur börnin finna fyrir nærveru …