LeBlanc undir vökulu auga mótleikara
Setja bókamerki
Vinir bandaríska leikarans Matt LeBlanc eru sagðir áhyggjufullir vegna andlegrar heilsu hans.
LeBlanc, sem sló eftirminnilega í gegn í hlutverki Joey Tribbiani í gamanþættinum Friends, hefur að sögn heimildamanna einangrað sig frá umheiminum í kjölfar andláts Matthew Perry sem lést þann 28. október í fyrra af völdum of stórs skammts af ketamíni.
LeBlanc og Perry, sem fór með hlutverk hins ástkæra Chandler Bing, léku bestu vini í tíu ár í hinum sívinsæla gamanþætti og voru einnig góðir félagar í raunheimum.
Leikarinn, sem er 57 ára, hefur lítið sést opinberlega síðustu mánuði og fór síðast með hlutverk í sjónvarpsþáttaröðinni Man with a Plan sem hætti göngu sinni árið 2020.
Góðvinkonur LeBlanc, leikkonurnar Jennifer Aniston og Courtney Cox, eru sagðar hafa vakandi auga með honum þar sem leikarinn sé enn að takast á við sorgina.
Stöllurnar eyða víst miklum tíma á heimili LeBlanc, sérstaklega Aniston, sem hefur reynst leikaranum mjög mikilvægur stuðningur á síðustu tólf mánuðum.
/frimg/9/75/975534.jpg)
LeBlanc hefur ekki uppfært Instagram-reikning sinn frá því að Perry lést, en síðasta færsla leikarans er hjartnæm minningarkveðja sem hann birti þann 23. nóvember í fyrra.
Sjá mikinn viðsnúning og ætla ekki að skerða þjónustu
„Allir tilbúnir að hjálpa“
/frimg/1/52/69/1526902.jpg)
Hvassviðri eða stormur seinnipartinn
Svona verður endaspretturinn
Nágranninn fannst látinn við nærliggjandi skóla
Altjón eftir að kviknaði í út frá rafmagni
Beint: Bandaríkjamenn ganga að kjörborðinu