Bandaríski tónlistarmaðurinn Adam Lambert, sem reis til frægðar árið 2009 þegar hann tók þátt í hæfileikakeppninni American Idol, hefur misst hátt í 30 kíló á síðustu átta mánuðum með hjálp blóðsykurs- og þyngdarstjórnunarlyfsins Mounjaro.

Lambert, 42 ára, frumsýndi myndarlegt þyngdartap sitt í morgunþættinum Today á þriðjudag og var ljósmyndaður í bak og fyrir er hann yfirgaf höfuðstöðvar NBC seinna um daginn.

Tónlistarmaðurinn, sem er í dag söngvari bresku rokksveitarinnar Queen, viðurkenndi í spjalli við fylgjendur sína á samfélagsmiðlasíðunni Instagram í mars að hann væri byrjaður að taka inn þyngdarstjórnunarlyf.

„Mér líður dásamlega vel,” sagði Lambert og viðurkenndi einnig að hann hafi fengið Ozempic, hið svokallaða „töfralyf“ Hollywood-elítunnar, uppáskrifað í fyrstu til að koma jafnvægi á blóðsykurinn en að hann hafi hætt sökum alvarlegra aukaverkana.

Tengdar fréttir

Poppkúltúr

Alsystir Prince látin 64 ára

• Jason Kelce og Taylor Swift láta eins og ekkert sé eftir ljótt atvik
• Þurfti að bæta við sætum vegna mikillar aðsóknar
• Sigraði hrekkjuvöku sem Halla Tómasdóttir
• Gagnrýnd fyrir að bera krossinn á milli brjóstanna

» Fleiri tengdar fréttir

• Blogga um frétt