Bandaríska tímaritið People hefur svipt hulunni af kynþokkafyllsta manni í heimi. Leikarinn og leikstjórinn John Krasinski hlýtur heiðurinn í ár. Krasinski tekur við titlinum af leikaranum Patrick Dempsey sem var valinn sá kynþokkafyllsti á síðasta ári.

Krasinski skaust fram á sjónarsviðið þegar hann fór með hlutverk Jim Halpert í gamanþáttaseríunni The Office á árunum 2005 til 2013. Hann hefur einnig leikið í fjölmörgum kvikmyndum og getið sér gott orð sem leikstjóri og handritshöfundur. Krasinski leikstýrði meðal annars fyrstu tveimur A Quiet Place-myndunum.

Krasinski, sem er 45 ára, prýðir forsíðu nýjasta tölublaðs tímaritsins. Hann segist alls ekki hafa átt von á því að vera valinn en viðurkenndi að eiginkona hans, breska leikkonan Emily Blunt, væri himinlifandi með valið í ár. 

Meðal þeirra sem áður hafa hlotið titilinn eru Chris Evans, Paul Rudd, Idris Elba, Michael B. Jordan, John Legend og Hugh Jackman.

Tengdar fréttir

Poppkúltúr

Sögð hafa vitað um meint framhjáhald Jackman og Foster

• Stjörnuhjón hvort í sína áttina
• „Ég vil frekar deyja“
• Á von á barni aðeins 16 ára gamall
• Missti níu tennur út af stressi

» Fleiri tengdar fréttir

• Blogga um frétt