Jocelyn Wildenstein, eða kattarkonan eins og hún er kölluð í daglegu tali, þvertekur fyrir að hafa gengist undir fegrunaraðgerðir í viðtali sem birtist í The Sun á þriðjudag. Í viðtalinu segist hún ávallt hafa hræðst afleiðingar slíkra aðgerða. 

Wildenstein, sem er 84 ára, hefur oft og tíðum verið milli tannanna á fólki og ratað á síður fjölmiðla, þá helst vegna mikilla útlitsbreytinga. Hún fékk viðurnefnið kattarkonan vegna þeirra fjölda fegrunaraðgerða sem hún er sögð hafa gengist undir á undanförnum áratugum, í tilraun til að líkjast kattardýri. Wildenstein segir slíkar fréttir af sér uppspuna og að viðurnefnið komi vegna ástar hennar á kattardýrum.

„Ég hef ekki gengist undir lýtaaðgerðir, ég er mjög hrædd við slíkt,“ sagði hún meðal annars í samtali við blaðamann breska fjölmiðilsins. Wildenstein viðurkenndi þó að hafa prófað fylliefni og sagði það hafa farið illa í sig. 

Wildenstein varð fræg þegar hún gekk í hjónaband með milljarðamæringnum Alec N. Wildenstein árið 1978. Parið, sem skildi eftir stormasamt hjónaband árið 1999, er sagt hafa gefið hvort öðru augnlýtaaðgerðir í eins árs brúðargjöf og að upp úr því hafi hún gerst háð fegrunaraðgerðum. 

Tengdar fréttir

Poppkúltúr

Nick Cannon greindur með sjálfsupphafningar-persónuleikaröskun

• Sjónvarpsmanni vikið tímabundið úr starfi fyrir kynferðislega áreitni
• Playboy-fyrirsæta tekur þátt í undankeppni Eurovision
• 44 ára gamlar gallabuxur seldust á níu milljónir
• Brie Larson nær óþekkjanleg með nýja hárið

» Fleiri tengdar fréttir

• Blogga um frétt