Breski leikarinn Jack Veal, best þekktur fyrir hlutverk sitt í Marvel-þáttaröðinni Loki, greindi frá því á TikTok nú á dögunum að hann væri heimilislaus.

Veal, sem er aðeins 17 ára gamall, birti nokkur myndskeið á samfélagsmiðlasíðunni þar sem hann lýsti erfiðum aðstæðum og viðurkenndi að hafa orðið fyrir heimilisofbeldi.

„Hæ! Ég er frægur leikari, ég er 17 ára gamall og bý á götunni. Þið þekkið mig kannski úr þáttaröðunum Loki, The End of the F***ing World eða vel þekktum kvikmyndum. Ég hef lítið fjallað um það sem er að gerast í lífi mínu en hugsa að það sé kominn tími til þess að segja sannleikann. Án þess að fara djúpt ofan í smáatriðin þá var ég beittur heimilisofbeldi. Það var líkamlegt ofbeldi, andlegt ofbeldi og fleira í þeim dúr,” sagði Veal meðal annars.

Leikarinn sagðist ekki hafa neinn samastað og viðurkenndi að vera örvæntingarfullur og hræddur.

„Ég er á hnjánum“

„Lífið er mjög erfitt í augnablikinu. Ég er á hnjánum að biðja ykkur um að deila þessu, gera eitthvað og breiða út skilaboðin um hvernig stjórnvöld sýni ungmennum í þessari stöðu vanvirðingu.”

Á þriðjudag greindi ungi leikarinn frá því að barnaverndaryfirvöld hefðu haft samband við sig og að þau ætluðu að veita honum aðstoð í málinu.

Veal fór síðast með hlutverk í þáttaröðinni The Peripheral árið 2022 samkvæmt IMDb og hefur aðallega farið með smáhlutverk í þáttaröðum og kvikmyndum síðastliðin sjö ár.

Tengdar fréttir

Poppkúltúr

Er ferill Beyoncé á niðurleið?

• OnlyFans-stjarna svaf hjá 100 karlmönnum á einum degi
• „Gullára–pip­ar­sveinninn“ með ólæknandi krabbamein
• Tilbúinn að borga hvað sem er
• Sunneva og Benedikt krúttuðu yfir sig

» Fleiri tengdar fréttir

TikTok

Sunneva og Benedikt krúttuðu yfir sig

• Elísabet Ormslev sýndi listir sínar
• Sunneva selur af sér spjarirnar
• Ungfrú heimur „mæmaði“ niðrandi orð
• Jólaandinn svífur yfir vötnum á Landspítalanum

» Fleiri tengdar fréttir

• Blogga um frétt