Harry og Meghan deila myndum af börnunum

Harry Bretaprins og Meghan Markle óska heiminum gleðilegra jóla með jólakorti fjölskyldunnar. Það er rík hefð fyrir því að konungsfjölskyldan gefi út jólakort ár hvert. Kortið þetta árið er óhefðbundið að því leyti að þau deila myndum af börnum sínum tveimur, Archie prins og Lilibet prinsessu.

Archie er fimm ára og Lilibet þriggja ára. Á myndunum sjást þau hlaupa á móti foreldrum sínum. Það sést þó ekki í andlit barnanna en Harry og Meghan hafa haldið þeim frá sviðsljósinu og deila sjaldan myndum af þeim. Þetta er þekkt hjá fræga fólkinu vestanhafs.

Í jólakortinu voru einnig myndir af öðrum hápunktum ársins hjá hjónunum eins og ferðalögum til Kólumbíu og Nígeríu.

Jólakort fjölskyldunnar í ár.

• Blogga um frétt