Heldur fimmtugsafmælið í 2.400 fm villu á Tenerife
Setja bókamerki
Athafnamaðurinn og megamógullinn Ásgeir Kolbeinsson er ekki vanur því að ráðast á garðinn þar sem hann er lægstur og sérstaklega ekki þegar kemur að veglegum afmælisveislum.
Ásgeir hefur lengi verið þekktur sem mikill partípinni og hefur komið að ófáum viðburðunum. Þá rak hann og átti skemmtistaðinn Austur á sínum tíma.
Nú stefnir hann á að halda glæsilegt fimmtugsafmæli á Tenerife í janúar. Ásgeir býður öllum helstu vinum og vandamönnum til þess að taka þátt í gleðinni. Afmælið verður haldið með pompi og prakt en gestalistinn nær yfir einhver þekktustu nöfn landsins. Þar má finna allt frá stórtækum fjárfestum og lögfræðingum yfir í áhrifavalda og skemmtikrafta.
Á gestalistanum má meðal annars finna:
Róbert Wessman, Sverri Þór Sverrisson, FM95BLÖ-gengið, Ingu Lind Karlsdóttur, Rúrik Gíslason, Hjörvar Hafliðason, Gústa B, Nínu Dögg Filippusdóttur, Villhjálm H. Vilhjálmsson, Hreggvið Jónsson, Aron Má Ólafsson og Júlíönu Söru Gunnarsdóttur svo einhver séu nefnd.
Varaheimili Íslendinga
Augljóst er að Ásgeir hefur lagt mikinn metnað í viðburðinn en afmælið er haldið í 2.400 fermetra lúxus villu. Það verður öllu tjaldað til fyrir þennan stóra áfanga.
Í boðskorti fyrir viðburðinn segir Ásgeir: „Þar sem Ísland í janúar hentar ekki vel til skemmtanahalds utandyra hefur verið ákveðið að herlegheitin fari fram á varaheimili allra Íslendinga, Tenerife.”
Þá er ljóst að fimmtugsafmælið verður með stærri afmælisveislum Íslendinga árið 2025.
Minni hluti tekur á móti gestum
Helgi Magnús lætur af störfum
Helgi Magnús fer beint á eftirlaun
Brýr báru ekki slökkviliðsbíla í Selárdal
Stórnotendur ekki að soga til sín orku frá heimilum
Munu ekki leyfa minnihlutanum að banna breytingar
Verslunarfólk sameinast gegn ofbeldi og áreiti