Aron Can ófeiminn og fór úr að ofan
Setja bókamerki
TikTok heldur áfram að taka yfir samfélagsmiðla og vikulega spretta upp ný trend, grípandi myndbönd og skemmtilegar sögur. Hér eru þau TikTok-myndbönd sem slógu í gegn og stóðu upp úr í síðustu viku.
Aron Can fer úr að ofan
Birta Númadóttir birti skemmtilegt myndband af tónlistarmanninum Aron Can, einum af meðlimum IceGuys, og vakti það mikla athygli á TikTok. Það var nánast ómögulegt að skrolla í gegnum TikTok um helgina án þess að sjá myndbönd af IceGuys-tónleikunum sem fóru fram síðustu helgi.
Stórkostlegir tónleikar
Vert er að nefna þetta magnaða myndband frá IceGuys-tónleikunum sem fangar stemningu kvöldsins í öllu sínu veldi – IceGuys létu salinn gjörsamlega tryllast!
Ferðast um Kaliforníu
Hanna Björk Hilmarsdóttir sló í gegn á TikTok með skemmtilegu myndbandi þar sem hún sýnir frá fjölskylduævintýri þeirra um Kaliforníu.
Fundu krakkakór á Tenerife
Húbba Búbba-strákarnir, þeir Eyþór Aron Wöhler og Kristall Máni Ingason, hafa aldeilis látið til sín taka á TikTok á þessu ári og slegið í gegn hjá fylgjendum. Nú á dögunum settu þeir í gang ekta gleðiviðburð á Tenerife þegar þeir fengu hóp krakka með sér í að taka lagið.
Réttarholtskóli vekur heimsathygli
TikTok-aðgangur nemendafélags Réttarholtsskóla hefur slegið rækilega í gegn með myndbandi sem kemur jólastemmingunni af stað. Í myndbandinu er gengið um skólaganganna með mistiltein í hönd, sem þýðir aðeins eitt: að þau sem standa undir honum verða að kyssast. Myndbandið sprakk út um allan heim og hefur nú safnað yfir níu milljónum áhorfa!
Sunneva og Bensi tóku þátt í vinsælu TikTok-trendi
Sunneva Einarsdóttir og kærastinn hennar, Benedikt Bjarnason – eða Bensi eins og hann er oft kallaður, létu ekki sitt eftir liggja og tóku þátt í vinsælu TikTok-trendi. Þar sannaði Bensi styrk sinn með því að lyfta Sunnevu leikandi upp á axlir sínar.
Hundar eru alltaf vinsælir meðal fólks
Heiðdís Elva Stefánsdóttir deildi ótrúlega skemmtilegu myndbandi af hundinum sínum sem gjörsamlega tryllist þegar hún byrjar að spila fyrir hann tónlist. Í myndbandinu sést í hundinn byrja að hoppa og skoppa í takt við lagið og hefur það vakið mikla kátínu hjá fólki.
Ríkisstjórnin ekki beint á leiðinni í jólafrí
Óveður heldur Holtavörðuheiði lokaðri
Máttu ekki auglýsa „mesta úrvalið“ og „besta verðið“
Strandveiðar í forgangi
Strandveiðar „efnahagsleg sóun“
Íslendingar vanir að klæða sig vel