Helga Þóra Bjarnadóttir, dóttir Bjarna Benediktssonar fyrrum forsætisráðherra, birti nýlega sprenghlægilegt myndband á samfélagsmiðlinum TikTok. Í myndbandinu fer hún ásamt vinkonu sinni að sækja jólatré fyrir mömmu sína, Þóru Margréti Baldvinsdóttur.

Þóra hafði gefið stelpunum þau fyrirmæli að velja stórt og glæsilegt tré. Tréð mætti þó ekki vera hærra en 2,5 metrar. 

Allt annað en það sem Þóra bjóst við.

Í stað þess að fylgja fyrirmælunum ákváðu þær vinkonur að bregða á leik og komu til baka með agnarsmátt tré – sem var allt annað en það sem Þóra bjóst við.

„Ókei mamma, við vitum að þetta er ekki það sem þú bjóst við, en við hugsuðum bara að þetta gæti verið ný jólahefð,“ segir Helga í myndbandinu.

Hún bætir við að það væru „ótrúlega margir að gera þetta“ og að pakkarnir kæmust vel undir tréð.

Hæðnisleg viðbrögð frá Bjarna

Þóra missti hökuna niður á gólf þegar þær mættu inn með tréð og átti hún ekki til aukatekið orð. Það heyrist svo í föður Helgu Þóru, Bjarna, í bakgrunni segja hæðnislega:

„Þið eruð svo fyndnar. Þetta er æðislegt hjá ykkur.“

Þóra átti erfitt með að trúa stelpunum: „Ég veit að þið eruð vitleysingar, en þið eruð ekki fávitar.“

Myndbandið hefur slegið í gegn á TikTok og vakið mikla kátínu meðal netverja. Hægt er að sjá myndskeiðið á TikTok hér fyrir neðan.

Tengdar fréttir

TikTok

Bann yfirvofandi: Hæstiréttur skerst í leikinn

• Réttarholtsskóli vekur heimsathygli
• Aron Can ófeiminn og fór úr að ofan
• Sunneva og Benedikt krúttuðu yfir sig
• Marvel-leikari grátbiður um hjálp

» Fleiri tengdar fréttir

• Blogga um frétt