Meghan hertogynja hefur sent frá sér stiklu um nýjasta útspil sitt fyrir Netflix streymisveituna. Þáttaröðin heitir With Love, Meghan eða Með ástarkveðju, Meghan og mun hún hefja göngu sína þann 15. janúar.

Um er að ræða átta 30 mínútna lífsstílsþætti þar sem hún deilir með áhorfendum uppskriftum, kaupir blóm og ræktar býflugur. Sagt er að markmið þáttanna sé að deila kunnáttu og ræða opinskátt saman. Með henni í þáttunum er Abigail Spencer sem lék með henni í sjónvarpsþáttunum Suits.

Samhliða þáttunum hefur Meghan snúið aftur á samfélagsmiðilinn Instagram og birtir þar meðal annars stikluna frá Netflix sem hefur nú þegar vakið mikla athygli. 

Stutt er síðan Harry frumsýndi póló þættina umtöluðu en þeir féllu síður en svo í kramið hjá áhorfendum. Miklar vonir eru bundnar við þætti Meghan og búið er að bíða lengi eftir þeim. 

Margir eru þó hugsi yfir því að ekkert er minnst á lífsstíls merki hennar American Riviera Orchard sem var stofnað í mars á síðasta ári og átti að hleypa af stokkunum samhliða þáttunum. Hún ætlaði til dæmis að hefja sölu á sultum og öðrum heimilisvörum en enn hafa einungis áhrifavaldar í Hollywood fengið að njóta góðs af. Talið er að hún hafi átt í erfiðleikum með að tryggja einkaleyfi fyrir vörumerkinu. 

Frétt af mbl.is

Mikil pressa á Meghan að standa sig

Tengdar fréttir

Kóngafólk

Setti kærustu eiginmannsins skýr mörk

• Jólakort Katrínar og Vilhjálms
• Andrés prins fjarri góðu jólagamni
• Ferðast til Madrídar eftir hneyksli
• Charlene prinsessa töffaraleg í leðurjakka

» Fleiri tengdar fréttir

• Blogga um frétt