Emma Stone lét síða hárið fjúka
Setja bókamerki
Tengdar fréttir
Poppkúltúr
Bandaríska leikkonan Emma Stone vakti ómælda athygli á rauða dregli Golden Globe-verðlaunanna á sunnudagskvöldið. Stone, sem er þekkt fyrir síða rauða lokka, lét hárið fjúka og skartar nú svokallaðri pixie-klippingu.
Óskarsverðlaunaleikkonan, sem er frægust fyrir leik sinn í kvikmyndum á borð við La La Land, Easy A, Cruella, Poor Things og Zombieland, frumsýndi nýja hárið er hún gekk niður rauða dregilinn ásamt eiginmanni sínum Dave McCary.
Tískugagnrýnendur gripu andann á lofti af undrun þegar Stone mætti á svæðið og hafa fjölmargir hrósað leikkonunni í hástert fyrir breytinguna. Leikkonan var afar glæsileg í rauðum síðkjól frá franska tískuhúsinu Louis Vuitton sem passaði vel við hárið.
Stone er um þessar mundir að leika í nýjustu mynd gríska leikstjórans Yorgos Lanthimos, sem ber titilinn Bugonia, og er sögð hafa klippt hárið fyrir hlutverk sitt í myndinni. Er þetta í fjórða sinn sem Stone og Lanthimos sameina krafta sína á hvíta tjaldinu.
Tengdar fréttir
Poppkúltúr
Isavia fái starfsleyfi út árið 2032
Afturkalla ætti byggingarleyfið
Tilbúin að leiða flokkinn en dagurinn snýst um Bjarna
Mönnunarvandinn „kristallaðist“ í Rangárþingi
Sýnir hvað stríð er hræðilegt, ömurlegt og grimmt
Vegagerðin svarar ekki ásökunum