Fyrrverandi barnastjörnur í hnapphelduna
Setja bókamerki
Fyrrverandi barnastjörnurnar Caitlin Hale og Angelo Massagli, best þekkt fyrir hlutverk sín í kvikmyndinni School of Rock, gengu í það heilaga á fallegum herragarði í New Jersey nú á dögunum.
Hale, 33 ára, og Massagli, 32 ára, kynntust fyrst við gerð kvikmyndarinnar árið 2003 en þau endurnýjuðu kynnin haustið 2016 þegar Hale flutti til Flórída, nálægt þar sem Massagli var búsettur á þeim tíma, og þá tókust með þeim ástir.
Parið trúlofaðist í október á síðasta ári.
Meðleikararnir mættu í brúðkaupið
Hale birti myndir frá brúðkaupsdeginum á Instagram-síðu sinni og deildi meðal annars mynd af brúðhjónunum ásamt nokkrum meðleikurum þeirra úr School of Rock.
Jack Black, sem fór með aðalhlutverkið, var fjarri góðu gamni, en leikarinn hefur þó reglulega hitt hópinn í gegnum tíðina og tekið lagið.
/frimg/6/93/693959.jpg)
Svört skýrsla: Brotið gegn réttindum barna
Um 600 skjálftar hafa mælst
Kröfu um ógildingu var hafnað
Gagnaleki nær til korta á Íslandi
Boðar fleiri hagræðingartillögur
Ekki séð neitt þessu líkt
„Auðvitað á þetta bara að liggja fyrir“