Fylgjendur Katie Price með áhyggjur
Setja bókamerki
Fylgjendur bresku glamúrfyrirsætunnar Katie Price hafa miklar áhyggjur af heilsufari hennar ef marka má athugasemdir við nýjustu Instagram-færslu hennar.
Price, sem er 46 ára gömul og fimm barna móðir, deildi myndskeiði af sér á samfélagsmiðlasíðunni á miðvikudag sem vakti fljótt mikla athygli og umtal.
Myndskeiðið sem um ræðir sýnir glamúrfyrirsætuna fyrir utan heimili sitt á Englandi. Hún sést ganga í átt að myndavélinni til að sýna fylgjendum sínum nýjan íþróttagalla sem hún er klædd í.
/frimg/1/50/46/1504652.jpg)
Margir höfðu orð á því hvað hún væri orðin grönn og veikluleg en hugmyndir hafa verið uppi um að hratt og skyndilegt þyngdartap hennar sé annaðhvort tilkomið vegna notkunar á þyngdarstjórnunarlyfi, líkt og Ozempic eða Wegovy, eða vegna átröskunarsjúkdóms.
Price hefur alfarið vísað þeim sögusögnum á bug og segist hafa verið dugleg að taka á því í ræktinni síðustu mánuði.
Þúsundir manna hafa ritað athugasemdir við færsluna og hvatt hana til að leita sér hjálpar, bæði vegna fíknar í fegrunaraðgerðir og vannæringar.
Price hefur, eins og þekkt er, gjörbreytt líkama sínum með ótal fegrunaraðgerðum í gegnum árin. Hún gekkst undir sjöttu andlitslyftinguna sína í ágúst í fyrra, aðeins örfáum vikum eftir að hún lét stækka brjóst sín að nýju. Price hefur farið í 17 brjóstastækkanir frá árinu 1998.
Til Brussel til að koma á eðlilegum samskiptum
Áfram mælast skjálftar á miklu dýpi
„Við erum stödd á víðsjárverðum tímum“
Hæstiréttur staðfestir TikTok-bann
Þessi óvissa er algerlega óþolandi
Hefja undirbúning verkfalla
Kærunefnd á eftir áætlun