Ýtir undir sögusagnir um skilnað

Innsetningarhelgin um liðna helgi, tileinkuð valdaskiptum Donalds Trumps og Joe Bidens, var stútfull af viðburðum og mætti Barack Obama, fyrrum Bandaríkjaforseti, til kvöldverðar á laugardagskvöldið án eiginkonu sinnar, Michelle Obama. Hávær orðrómur hefur verið um skilnað þeirra hjóna.

Starfsfólki veitingastaðarins Osteria Mozza var brugðið þegar forsetinn fyrrverandi gekk glaðlyndur inn á staðinn og upp á aðra hæð, án eiginkonunnar. Það vakti athygli að hann hafi ekki stoppað og leyft myndatökur af sér með fólki, líkt og hann er vanur að gera.

Frétt af mbl.is

Hávær orðrómur um framhjáhald og skilnað

Barack sat til borðs með fámennum hópi fólks þar sem m.a. var Jeff Zients, starfsmannastjóri Bidens í Hvíta húsinu.

Margra vikna vangaveltur hafa verið uppi um að frægasta hjónaband stjórnmálamanna sé að líða undir lok. Michelle varð 61 árs síðastliðinn föstudag og sendi Barack henni falleg skilaboð á samfélagsmiðlum.

Þá er Michelle sögð ekki vera eins hrifin af innsetningu Trumps eins og eiginmaður hennar en skrifstofa Baracks hafði áður tilkynnt að Michelle yrði ekki viðstödd innsetninguna, án þess að gefa frekari skýringar. 

Page Six

• Blogga um frétt