Bandaríski tónlistarmaðurinn Chris Brown hefur höfðað meiðyrðamál gegn framleiðslufyrirtækinu Warner Bros. vegna heimildamyndarinnar Chris Brown: A History of Violence sem frumsýnd var á sjónvarpstöðinni Investigation Discovery á síðasta ári.

Brown, sem vill fá 500 milljónir bandaríkjadala eða það sem samsvarar 70 milljörðum íslenskra króna, segir myndina stimpla sig sem raðnauðgara og kynferðisafbrotamann.

Í dómsskjölum sem fréttamiðillinn Page Six hefur undir höndum kemur fram að Brown saki framleiðendur myndarinnar um ósannar og ærumeiðandi staðhæfingar í hans garð, en myndin byggir meðal annars á frásögn konu sem kærði tónlistarmanninn fyrir að byrla sér ólyfjan og nauðga sér um borð í snekkju árið 2020.

Málið fór fyrir dómstóla á sínum tíma en var vísað frá vegna skorts á lögvörðum hagsmunum.

Frétt af mbl.is

„Hann sló mig tvisvar eða þrisvar í höfuðið“

Brown, sem er 35 ára, á að baki langa sögu um ofbeldishegðun, en árið 2009 réðst hann á þáverandi kærustu sína, tónlistarkonuna Rihönnu. Árið 2013 var hann svo handtekinn fyrir að nefbrjóta karlmann í Washington.

Tveimur árum síðar var hann sakaður um að hafa kýlt mann í spilavíti í Las Vegas og ári síðar var hann handtekinn fyrir að ráðast á konu og hóta henni með byssu. Þá lagði fyrrverandi kærasta hans, Karrueche Tran, fram kæru á hendur honum vegna heimilisofbeldis árið 2017.

Þá hefur hann einnig verið sakaður um tvær nauðganir, annars vegar í París 2019 og hins vegar í Flórída í Bandaríkjunum 2020.

Frétt af mbl.is

Chris Brown ákærður

Tengdar fréttir

Poppkúltúr

Deilur Lively og Baldoni ná nýjum hæðum

• Gæti fengið allt að 24 ára dóm
• Fylgjendur Katie Price með áhyggjur
• Gaf fötin sín í þágu góðgerðarmála
• Kona lagði út 121 milljón króna fyrir svindlara sem sagðist vera Brad Pitt

» Fleiri tengdar fréttir

• Blogga um frétt