Áttburarnir orðnir 16 ára
Setja bókamerki
Tengdar fréttir
Poppkúltúr
Fjölburar Nadyu Suleman fögnuðu 16 ára afmæli sínu á sunnudag.
Suleman, sem flestir þekkja kannski betur undir heitinu Octomom eða áttburamamman, komst í heimspressuna árið 2008 þegar hún varð ófrísk af áttburum með hjálp tæknifrjóvgunar, verandi einstæð og atvinnulaus sex barna móðir.
Hinn 26. janúar árið 2009 fæddi Suleman áttburana og varð því 14 barna móðir. Í heiminn komu sex drengir og tvær stúlkur, þau Noah, Maliyah, Isaiah, Nariyah, Jonah, Makai, Josiah og Jeremiah.
Nú eru áttburarnir orðnir 16 ára og í tilefni þess deildi Suleman fallegri færslu og mynd af áttburunum fyrir utan heimili þeirra í Orange-sýslu í Kaliforníu.
„Til hamingju með 16 ára afmælið elsku Noah, Isaiah, Nariyah, Maliyah, Jeremiah, Josiah, Jonah og Makai. Þið eruð elskuð meira en orð fá lýst. Ég er svo lánsöm að hafa ykkur í lífi mínu og spennt og þakklát fyrir ferðalagið sem við erum að leggja af stað í.
Guð hefur vakað yfir ykkur frá fæðingu og er með stór áform fyrir hvert og eitt ykkar,” skrifaði Suleman sem endaði færsluna með því að vitna í þekkta barnabók, Love You Forever, eftir Robert Munsch.
Tengdar fréttir
Poppkúltúr
Eins og kraftaverk
Hefur samþykkt kauptilboð í Herkastalann
„Það er nokkuð vandasöm vinna“
Á sjötta hundrað saklausir borgarar teknir af lífi
Fullur skilningur á stöðu Íslands
„Var farinn að segja við mig að hann vildi deyja“