Blaðamaður Vogue gagnrýnir portrett af forsetafrúnni
Setja bókamerki
Hannah Jackson, blaðamaður hjá bandaríska Vogue, er lítt hrifin af svarthvítri portrettmynd af Melaniu Trump, forsetafrú Bandaríkjanna, ef marka má grein sem birtist í tískutímaritinu á þriðjudag.
Hvíta húsið birti á mánudag fyrstu opinberu myndina af Trump síðan eiginmaður hennar til 20 ára, Donald Trump, sór embættiseið sem forseta Bandaríkjanna í byrjun síðustu viku.
/frimg/1/54/31/1543175.jpg)
Í tímaritsgreininni, sem ber titilinn Melania Trump Cosplays The Apprentice in Her Official White House Portrait, segir Jackson að hin nýkrýnda forsetafrú líti frekar út eins og gestastjórnandi í raunveruleikaþættinum Lærlingurinn (e. The Apprentice), sem eiginmaður hennar stýrði um árabil við miklar vinsældir, fremur en forsetafrú.
„Hún horfir hvössum augum í myndavélina og virðist bíða spennt eftir að segja: „Þú ert rekinn“, en það voru einkunnarorð Trump í þáttunum.“
Jackson gagnrýnir einnig fataval forsetafrúarinnar, sem er klædd í smóking frá ítalska tískuhúsinu Dolce & Gabbana og hvíta skyrtu á myndinni, og líkir henni við sjálfstætt starfandi töframann (e. freelance magician).
„Kannski ætti það ekki að koma á óvart að kona sem bjó eitt sinn í gullskreyttri þakíbúð, hvers frami var svo innvinklaður í raunveruleikasjónvarpi, neiti að láta af leikaraskapnum, þrátt fyrir 248 ára gamla hefð,” skrifar Jackson.
Fyrrverandi forsetafrúr Bandaríkjanna hafa flestar klæðst kjólum eða pilsadrögtum á opinberum myndum af sér í gegnum tíðina.
Hillary Clinton, eiginkona Bill Clintons, fyrrverandi Bandaríkjaforseta, breytti út af venjunni og klæddist svartri dragt þegar hún sat fyrir hjá listmálaranum Simmie Knox fyrir málverk af sér.
Veðrið truflar áætlun Icelandair: Ferðum aflýst
Óttast afleiðingar af skertu aðgengi
Hafði unnið á Maríuborg frá ágúst 2013
Leggur fram innanhústillögu í kjaradeilu kennara
Togast á um vistarverur í Alþingishúsi
Momika myrtur í beinni á TikTok
Svona er tillaga sáttasemjara: Hafa fram á laugardag
/frimg/1/47/17/1471765.jpg)
Verðbólgan komin niður í 4,6%