Opnar sig um síðustu dagana með Liam Payne
Setja bókamerki
Kate Cassidy, 25 ára kærasta hins látna tónlistarmanns Liam Payne, tjáir sig í fyrsta opinberlega um samband þeirra. Hún segir frá síðustu dögum hans í Argentínu og sorgarferlið sem fylgdi í kjölfar andláts hans.
Payne, sem var 31 árs gamall og kunnur úr hljómsveitinni One Direction, lést í október 2024 þegar hann féll af svölum á hóteli í Buenos Aires.
Í viðtali við The Sun lýsir Cassidy yfir miklum stuðningi og væntumþykju í garð Payne. Parið kynntist árið 2022 á bar í Charleston í Suður-Karólínu. Hann var stjarna barnæsku hennar og því var það alger draumur að þau myndu kynnast.
„Ég hef elskað hann síðan ég var tíu ára. Ég held við höfum einfaldlega átt að mætast.“
Fór frá Argentínu vegna skuldbindinga
Cassidy segir að þau hafi varið síðustu tveimur vikunum fyrir andlát Payne saman í Buenos Aires. Það hafi verið tveimur vikum lengur en þau hafi búist við. Hún snéri aftur til Flórída fjórum dögum fyrir andlátið til þess að gæta hundsins Nola.
„Okkur datt ekki í hug að eitthvað þessu líkt myndi gerast,“ sagði Cassidy.
„Við vorum bæði í góðu jafnvægi, hamingjusöm og full af ást. Ef ég hefði getað séð fram í tímann hefði ég aldrei yfirgefið Argentínu.“
Hélt fyrst að þetta væri orðrómur
Cassidy segist hafa verið á heimili þeirra í Flórída þegar hún fékk símtal frá vini Payne um að hann væri dáinn. Hún trúði þessu ekki og hélt að um sögusagnir væri að ræða.
„Ég hélt að einhver væri að búa þetta til bara til að fá athygli á netinu. Svo fékk ég þá hræðilegu tilfinningu í magann og áttaði mig á að eitthvað alvarlegt hefði gerst.“
Payne var úrskurðaður látinn á vettvangi eftir fallið en fimm manns hafa nú verið ákærð fyrir manndráp af gáleysi í tengslum við málið. Jarðarförin fór fram í nóvember í fyrra.
Vegur enn þungt
Cassidy segir að andlátið taki á hana og það líði ekki sekúnda án þess að hún hugsi til hans. Hún flutti af heimili þeirra í Flórída yfir til New Jersey til að byrja upp á nýtt. Hún segist eiga erfitt með að sætta sig við að hann sé ekki lengur til staðar.
„Ég reyni að gera mitt besta, en líf mitt hefur breyst svo mikið. Stundum hringi ég enn í símann hans bara til að heyra upptökuna í símsvaranum – það gefur mér smá frið að heyra röddina hans.“
Cassidy og Payne ætluðu að gifta sig.
„Ég mun ávallt elska hann og mun halda minningu hans á lofti.“
Cassify deildi fallegri færslu á Instagram þar sem hún deildi myndum af þeim og lét falleg orð falla.
Tilkynningar um tjón á fjórða hundrað
Neyðarástand: Merki um landris og þúsundir flýja
„Ég veit hver aðkoma ráðuneytisins var“
Kristján Þórður segir af sér
„Lán að sá sem stóð við ræsið heyrði skruðningana“
Skólanum lokað vegna músagangs
„Meiri ágreiningur en við áttum von á“