Taylor Swift upplifir sig notaða af Blake Lively

Samkvæmt heimildarmanni Page Six upplifir söngkonan Taylor Swift sig notaða af Blake Lively. Poppstjörnunni líkar ekki að vera nefnd einn af „drekum“ Lively eftir að textaskilaboð Lively voru opinberuð í gagnmálsókn sem meðleikari hennar í It Ends With Us og leikstjóri myndarinnar, Justin Baldoni, lagði fram.

Það var í lok desember á síðasta ári sem tekin var upp málsókn á hend­ur Baldoni þar sem Li­vely sakar hann um kyn­ferðis­lega áreitni og til­raun til að eyðileggja orðspor henn­ar í kjöl­farið.

Frétt af mbl.is

Deilur Lively og Baldoni ná nýjum hæðum

Meint textaboð tilgreina ekki hverjir drekarnir eru en margir telja að Lively hafi vísað í eiginmann sinn, Ryan Reynolds, og vinkonu sína Swift.

Swift óskar þess að hafa ekki verið dregin inn í deilurnar á milli Baldoni og Lively. Þær hafa verið vinkonur síðan 2015 og er Swift sögð þykja vænt um vináttuna en hafi fundist hún notuð á þessum tímapunkti. 

Heimildarmaðurinn segir söngkonuna vilja halda sig frá dramanu eins og mögulegt er. 

Page Six

• Blogga um frétt