Matthew Koma selur boli sem móðga Kanye West

Söngvarinn og tónskáldið, Matthew Koma, slær til baka til rapparans Kanye West eftir gyðingahatursummæli West á samfélagsmiðlum síðustu vikur.

West, sem kallar sig Ye á samfélagsmiðlum, fór mikinn með tístum sem einkenndust m.a. af gyðingahatri á samfélagsmiðlinum X, eða allt þar til Elon Musk, eigandi X, lokaði reikningnum hans. West lét ekki hatursorð sín nægja á samfélagsmiðlum heldur lét framleiða boli með hakakrossi nasista fyrir vörumerki sitt Yeezy.

Frétt af mbl.is

Elon Musk búinn að loka á Kanye West

Sem andsvar við dólgslátum West hefur Koma látið framleiða fyrir sig stuttermaboli með áletruninni „FUCK YE“.

Koma, sem er gyðingur og giftur söngkonunni Hillary Duff, setti inn Instagram-færslu á mánudag þar sem sagði: „Hey, ég get líka búið til boli – hlekkur hér. Allur ágóði sölunnar rennur til eftirlifenda helfararinnar.“

Koma lét einnig framleiða „ritskoðaða“ boli með áletruninni „F*** YE“, vegna þess að fjöldi fólks hafði beðið um það. Hann er ekki eina stirnið sem hefur mótmælt hegðun West, en Isla Fisher bað fólk einnig um að hætta að fylgja West á samfélagsmiðlum. Þá á friends-leikarinn David Schwimmer að hafa beðið Musk um að henda West út af X, sem hann og gerði.

Hollywood Reporter

• Blogga um frétt