Nýjasta White Lotus-þáttaröðin fær misjafna dóma

Þriðja þáttaröðin af hinni vinsælu seríu White Lotus hefur vakið mikla athygli og umfjöllun, en viðtökurnar hafa verið misjafnar. Að þessu sinni gerast þættirnir á lúxusdvalarstað á eyjunni Koh Samui í Taílandi, en gagnrýnendur telja þættina ekki ná sömu hæðum og fyrri seríur.

White Lotus, sem er bandarísk drama-þáttasería eftir Mike White, fylgir gestum og starfsfólki á hinum skáldaða White Lotus-lúxusdvalarstað, þar sem óvænt atvik og dulin átök koma undan yfirborðinu. Fyrri þáttaraðir nutu mikilla vinsælda fyrir dramatík sem var blandin húmor og spennu. 

BBC greinir frá því að nýja þáttaröðin hafi hægari framvindu og skorti spennuna sem einkenndi fyrri seríur. „Þættirnir hreyfast svo hægt að þeir byrja ekki að taka raunverulega á flug fyrr en á miðri leið,“ segir í umfjöllun miðilsins.

Frumsýning þáttarins fór fram á dögunum. Þrátt fyrir blendnar viðtökur bíða margir spenntir eftir að sjá hvernig almenningur tekur í nýju seríuna sem kemur á streymisveitur sunnudaginn 16. febrúar.