Íslend­ing­ar eru áber­andi á TikT­ok, þar sem frum­leg­heit, húm­or, óvænt­ir at­b­urðir og áhuga­verðar staðreynd­ir halda áhorf­end­um við efnið. Hér fyr­ir neðan er stutt yf­ir­lit yfir það helsta sem dregið hef­ur að sér at­hygli í vik­unni.

Gummi kíró stíliser­ar tísku­sýn­ingu

Guðmund­ur Birk­ir Pálma­son, bet­ur þekkt­ur sem Gummi kíró, gerði TikT­ok-mynd­band þar sem hann sýn­ir frá því hvernig hann stíliseraði ferm­ing­ar­tísku­sýn­ingu sem fór fram síðastliðinn laug­ar­dag.

Vask­ur­inn endaði frammi á gólfi á Auto

Ólaf­ur Al­ex­and­er Ólafs­son, einn af eig­end­um bars­ins Nínu og skemmti­staðar­ins Auto, sýn­ir frá óhappi sem átti sér stað eft­ir kvöld á Auto, þar sem einn vask­ur­inn endaði óvænt frammi á gólfi. Ólaf­ur hef­ur um nokk­urt skeið haldið úti hinu svo­kallaða „Lífið á klúbbn­um“ á TikT­ok, sem marg­ir hafa fylgst með af áhuga.

Páll Óskar held­ur uppi góða skap­inu þrátt fyr­ir þríbrot­inn kjálka

Páll Óskar deil­ir frá því hvernig lífið er eft­ir að hafa þríbrotið kjálk­ann og brotið sjö jaxla, en hann er nú í löngu bata­ferli. Hann er með víra og teygj­ur til að halda kjálk­an­um sam­an og mun þurfa frek­ari tann­læknameðferðir á næstu vik­um.

Páll, sem er einn ást­sæl­asti tón­list­armaður þjóðar­inn­ar, held­ur þó uppi góða skap­inu og fær sér dýr­ind­is heitt súkkulaði með rjóma á hverj­um degi núna.

„Thank you for lett­ing me lose so nicely“ 

Birgitta Ólafs­dótt­ir, einnig þekkt und­ir lista­manns­nafn­inu Birgó, tók þátt í undanúr­slit­um Söngv­akeppn­inn­ar síðastliðinn laug­ar­dag. Hún komst þó ekki áfram, sem vakti furðu margra. Í ný­legu TikT­ok-mynd­skeiði þakk­ar Birgitta fyr­ir öll fal­legu skila­boðin sem hún hef­ur fengið, bæði frá ís­lensk­um og er­lend­um aðdá­end­um.

Smökkuðu vin­sæla mat­ar­keðju í New York

Sunn­eva Eir Ein­ars­dótt­ir og Bene­dikt Bjarna­son smökkuðu ný­lega skyndi­bita­keðjuna Rais­ing Ca­ne's í New York. Keðjan hef­ur vakið mikla at­hygli upp á síðkastið, einkum vegna kjúk­linga­vængj­anna og sós­unn­ar sem hún býður upp á.

Öllu tjaldað til í til­efni Valentínus­ar­dags­ins

Valentínus­ar­dag­ur­inn er hald­inn mis­hátíðlega hér á landi en Karl Stefán Ingvars­son kom kær­ustu sinni Na­tal­íu Nótt held­ur bet­ur að óvart. Hann skreytti íbúðina þeirra fal­lega með rósa­blöðum, kert­um og blöðrum.

Fann besta kjúk­linga-shaw­arma í bæn­um!

Adam Helga­son, sem er vin­sæll mat­gæðing­ur á TikT­ok og kær­asti Ástós­ar Trausta­dótt­ur, áhrifa­vald­ar og hlaðvarps­stjórn­anda, tók að sér að fara um göt­ur Reykja­vík­ur í leit að hinu full­komna kjúk­linga-shaw­arma. Hann heim­sótti nokkra staði og endaði á að finna það sem hon­um þótti besta kjúk­linga-shaw­armað í borg­inni.

Ráðlegg­ur fólki að full­nýta ekki láns­hæfið sitt

Íris Líf Stef­áns­dótt­ir fékk greiðslu­mat upp á 100 millj­ón­ir en ráðlegg­ur fólki að full­nýta ekki láns­hæfið sitt. Hún mæl­ir frek­ar með að kaupa ódýr­ari íbúð og forðast þannig að skuld­setja okk­ur í botn.

Tengd­ar frétt­ir

TikT­ok

„Ég er svo svöng að ég gæti borðað barn“

• „Ég ætlaði bara að bjóða góða nótt“
• Jón Jóns­son fékk sér nýj­an pabba
• Birgitta syng­ur nýj­asta sig­ur­lag Eurovisi­on og slær í gegn
• Mynd­skeið sem sýn­ir snjó­kom­una í Njarðvík vek­ur at­hygli

» Fleiri tengd­ar frétt­ir

• Blogga um frétt