Meryl Streep gaf Hollywood-stjörnum fingurinn
Setja bókamerki
/frimg/1/46/17/1461780.jpg)
Gamanþátturinn Saturday Night live, fagnaði 50 ára stórafmæli sínum um liðna helgi, þar sem glamúr og glæsileiki tók yfir borgina New York. Hátíðarhelgin hófst með látum föstudaginn 14. febrúar með stórkostlegum tónleikum, þar sem helstu tónlistarmenn heims tróðu upp.
Fagnaðarlætin voru þó aðeins rétt að byrja þar sem þriggja klukkustunda spunaþáttur var sýndur í beinni útsendingu á sunnudagskvöldið.
Tónlistaratriði sem skildu eftir sig spor
Kvöldið var stútfullt af ógleymanlegum atriðum, en meðal þeirra sem stigu á stokk voru tónlistargoðsagnir á borð við Paul McCartney, Bruce Spingsteen, Backstreet Boys, Bad Bunny, Chris Martin, Eddie Vedder, Lady Gaga, Miley Cyrus og Post Malone.
Söngkonan Cher fékk áhorfendur til að rísa úr sætum með kraftmiklum flutningi á einu vinsælasta lagi sínu, If I Could Turn Back Time. Hin 78 ára gamla söngkona sýndi og sannaði að tíminn hefur haft lítil áhrif á hana.
Það var þó ekki aðeins Cher sem heillaði áhorfendur, því hin þekkta leikkona Meryl Streep vakti einnig mikla athygli með óvæntri uppákomu. Í beinni útsendingu lyfti hún fingri að Will Ferrell og Ana Gasteyer í leikþætti þeirra á sviði, sem bæði kom á óvart og skemmti áhorfendum.
Glamúr og stórstjörnur á hverju horni
Hátíðin var ekki aðeins tónlistarveisla heldur einnig glæsileg endurkoma margra af helstu stjörnum sem hafa stigið á svið í hinu þekkta 8H-stúdíói í gegnum tíðina. Meðal þeirra sem komu fram voru þau Adam Sandler, Chris Rock, Eddie Murphy, Will Ferrel, Tina Fey og Kate McKinnon.
Söguleg helgi sem náði hápunkti með „Homecoming“
Hápunktur afmælishátíðarinnar var sjálfur SNL 50th Homecoming-þátturinn sem var sýndur sunnudagskvöldið 16. febrúar, þar sem gamlir og nýir meðlimir Saturday Night Live komu saman í tilefni af þessum mikla áfanga.
Gamlar senur voru endurgerðar, nýir sketsar slógu í gegn og kvöldinu lauk með sjálfum Lorne Michaels, skapara þáttarins, sem þakkaði öllum sem hafa lagt sitt af mörkum til að móta þættina síðustu 50 árin.
Landsréttur þyngir refsingu Dagbjartar í 16 ár
Vegurinn enn lokaður
„Algjörlega nýr“ meirihluti í borgarstjórn
Ekki ljóst hvað gekk á klukkutímana fyrir árásina
Stór sár eftir að rútan var dregin af vettvangi
„Komið til móts við það sem við teljum okkur þurfa“
Viðkvæm staða í kjaradeilu kennara
Rúta endaði upp á túni við Höfða