Cineflex Rights hefur tryggt sér alþjóðlegan dreifingarrétt á nýrri spennuþáttaröð, sem ber titilinn „Hildur“ og er byggð á metsölubók finnska rithöfundarins Satu Rämö, sem ber sama nafn.

Variety greindi frá þessu fyrr í dag.

Leikkonan Ebba Katrín Finnsdóttir leikur titilhlutverkið í þessari sex hluta þáttaröð. Tinna Hrafnsdóttir leikstýrir.

Með önnur hlutverk fara þau Lauri Tilkanen, Rick Okon, Nína Dögg Filippusdóttir, Halldóra Geirharðsdóttir, Oddur Júlíusson og Oona Airola.

Búist er við að þáttaröðin verði frumsýnd í byrjun næsta árs.

Spennutryllir af bestu gerð

Mikil spenna ríkir fyrir þáttaröðinni enda spennutryllir af bestu gerð. Bókin, sem kom út á síðasta ári, sló í gegn í Finnlandi, komst í efsta sæti metsölulista og náði einnig miklum vinsældum í Þýskalandi og víðar.

Hildur er rannsóknarlögreglukona á Ísafirði. Líf hennar hefur litast af dularfullu hvarfi yngri systra hennar fyrir 25 árum. Þegar snjóflóð fellur á sumarhúsabyggð og Hildur og félagar hennar í lögreglunni mæta á staðinn finna þau í rústunum mann sem hefur verið myrtur og því greinilegt að í friðsælum bænum er eitthvað einkennilegt á seyði.

Bókin sló í gegn víða um Evrópu. Skjáskot/Forlagið

Tengdar fréttir

Poppkúltúr

Seldist upp á Noruh Jones og Bryan Adams

• Oddur Sigurðarson valinn fyndnasti háskólaneminn
• Laufey valin ein af konum ársins hjá tímaritinu Time
• Nýja kærastan er 23 árum yngri
• Floni bað Daniil um að syngja inn á hræðilegt lag

» Fleiri tengdar fréttir

• Blogga um frétt