Úrslitakvöld árlegrar uppistandskeppni á vegum Stúdentaráðs Háskóla Íslands fór fram í Stúdentakjallaranum síðastliðið miðvikudagskvöld.

Fimm háskólanemar stigu á svið, dældu út bröndurum eins og enginn væri morgundagurinn og kepptu um titilinn „Fyndnasti háskólaneminn“.

Þar stóð uppi sem sigurvegari Oddur Sigurðarson, hagfræði- og stærðfræðinemi. Halldóra Elín Einarsdóttir, tómstunda- og félagsmálafræðinemi, var í 2. sæti og Fannar Gíslason, nemi í rafmagns- og tölvuverkfræði, í þriðja.

Hlutu þau öll vegleg verðlaun frá Landsbankanum ásamt því að fá miða á árshátíð Stúdentaráðs Háskóla Íslands sem fer fram á Hlíðarenda í vikunni.

Dómarar keppninnar voru Steiney Skúladóttir, Guðmundur Einar og Inga Steinunn Henningsdóttir. 

Sigurvegararnir ásamt dómurum kvöldsins. Ljósmynd/Aðsend

Tengdar fréttir

Poppkúltúr

Seldist upp á Noruh Jones og Bryan Adams

• Laufey valin ein af konum ársins hjá tímaritinu Time
• Nýja kærastan er 23 árum yngri
• Floni bað Daniil um að syngja inn á hræðilegt lag
• Björn Bragi óskaði Jóni til hamingju með nýja kynlífsklúbbinn

» Fleiri tengdar fréttir

• Blogga um frétt