Ísraelski lagahöfundurinn Ofir Cohen hótar að krefjast þess að lagið Róa eftir Inga Bauer og Væb-bræður, verði fjarlægt úr keppninni.

Cohen sakar höfunda um að hafa stolið hluta af viðlaginu úr ísraelska slagaranum Hatunat Hashana (sem einnig er vísað til sem Wedding of the Year), sem saminn var fyrir söngvarana Itay Levy og Eyal Golan.

Krefst bóta

Fram kemur í umfjöllun ísraelska dagblaðsins Israel Hayom að Cohen muni senda formlegt viðvörunarbréf til Væb-bræðra og RÚV á næstu dögum.

Þar krefst hann annars vegar bóta og/eða þess að fá sitt nafn skráð á þann hluta lagsins sem hann telur sig eiga, eða hins vegar að Róa verði felld úr keppninni.

Viðurkennir ekki líkindi

Væb-bræður segja í samtali við Vísi að þeir hafi ekki haft neinn grun um tilvist ísraelska lagsins.

Cohen bendir þó á að auðvelt sé að nálgast tónlist hvaðan sem er úr heiminum í gegnum streymisveitur á borð við Spotify.

Getur leitt til brottvísunar Íslands

Cohen segir að ef ekki náist viðeigandi samkomulag verði leitað til Sambands evrópskra sjónvarpsstöðva (EBU) og þess krafist að lagið verði tekið úr keppninni.

Áður hefur komið upp svipað mál í Eurovision-sögunni þegar Jack White, höfundur lagsins Seven Nation Army, sakaði höfundana að Toy (sem vann keppnina árið 2018 fyrir Ísrael) um lagastuld.

Það mál leystist þó með samkomulagi þar sem White var skráður sem meðhöfundur og fékk hlutdeild í tekjum af laginu.

Óvissa um næstu skref

Ekki hefur komið fram hvort RÚV eða höfundar lagsins Róa hafi hafist handa við að semja við Cohen eða hyggi á aðra lausn.

Lagið vann Söngvakeppnina seinustu helgi og stendur til að Væb-bræður flytji það í stóru Eurovision-söngvakeppninni í maí, sem að þessu sinni fer fram í Sviss.

Frétt af mbl.is

VÆB vann Söngvakeppnina

Hægt er að sjá bæði lögin hér fyrir neðan:

Tengdar fréttir

Eurovision

Söngvakeppnin: Svona skiptust atkvæðin

• Þjóðin bregst við: „Djöfull elska ég VÆB“
• VÆB vann Söngvakeppnina
• Þetta eru lögin sem keppa til úrslita í kvöld
• Stebbi JAK og Bjarni Ara þurftu að taka á honum stóra sínum

» Fleiri tengdar fréttir

Poppkúltúr

Fann ástina í örmum flugfreyju

• „Þetta skal ég hálsbrjóta þig fyrir“
• Hver var undir skikkjunni?
• Samfélagsmiðlastjarna situr í gæsluvarðhaldi
• Barnsmóðir Dave Grohl gefur sig fram

» Fleiri tengdar fréttir

• Blogga um frétt