Lyf á dreif um baðherbergisgólfið

Lyfseðisskyld lyf fundust á dreif um baðherbergisgólfið þar sem Betsy Arakawa, eiginkona leikarans Gene Hackman, fannst látin.

Hackman hafði fundist látinn í öðru herbergi hússins, en hundurinn þeirra – þýskur fjárhundur – fannst dáinn inni í skáp á baðherberginu, nálægt Arakawa. Þá fundust tveir aðrir hundar á lífi á heimilinu.

Engin augljós merki voru um gasleka á heimilinu og slökkviliðið fann engin merki um kolmónoxíðleka, en fjöl­skyldu Hackm­ans grun­aði að hjónin hefðu getað lát­ist af völd­um kol­mónoxíðeitr­un­ar.

New York Times greinir frá.

Frétt af mbl.is

Andlát Hackman: Grunur um kolmónoxíðeitrun

Aðstæður kalli á frekari rannsókn

Arakawa fannst fyrst, liggjandi á hliðinni á baðherbergisgólfinu með lyfin á dreif um gólfið og herbergishitara nálægt höfðinu. Lögreglumaðurinn sem fann hana sagðist gruna að hitarinn hefði getað dottið og orðið henni að falli.

Að sögn lögreglu leit út fyrir að Hackman hafi skyndilega hrasað, en hann fannst liggjandi í öðru herbergi – í svipuðu ástandi og eiginkona hans.

Lík hjónanna sýndu bæði merki um niðurbrot og er því talið að þau hafi verið látin í einhvern tíma áður en þau fundust. Andlit Arakawa var uppþembt og hendar hennar og fætur byrjuð að rotna.

Málið er til rannsóknar en engin augljós merki um áverka hafa fundist á líkum hjónanna og enginn miði fundist á heimilinu.

„Á þessu stigi í ferlinu er ekkert slíkt orðið ljóst,“ sagði lögregluþjónn, „krufningin mun segja okkur meira“.

Aðstæður í kringum andlát hjónanna þykja þó nógu grunsamlegar í eðli til að þörf sé á ítarlegri leit og rannsókn á heimilinu.

Leitarheimild var því veitt að heimilinu til að yfirvöld gætu nálgast skjöl, fíkniefni eða eldfim efni.

Frétt af mbl.is

Gene Hackman og eiginkona hans fundust látin

Minnst sem prakkara af vinum

Vinir Hackman segja hann hafa verið mikinn prakkara. Eitt sinn hafi hann sannfært barn á viðburði á sveitaklúbbi um að gefa honum vatnsbyssu – og síðan fyllt hana af rauðvíni.

„Hann elskaði Santa Fe vegna þess að fólk kom fram við hann eins og hann væri bara hluti af samfélaginu,“ sagði vinur Hackman.

Á undanförnum árum segja vinir hans hann hafa dregið sig meira til baka, eftir því sem hann varð eldri. Hann hafi þá eytt mestum tíma með eiginkonu sinni og hundum.

„Þau einangruðu sig alltaf dálítið mikið, þrátt fyrir að allir elskuðu að vera í kringum þau,“ sagði vinkona hjónanna.

• Blogga um frétt