Önnur „húsmóðir“ dæmd í fangelsi
Setja bókamerki
Tengdar fréttir
Poppkúltúr
/frimg/1/53/75/1537575.jpg)
Raunveruleikastjarnan Karen Huger, sem er þekktust fyrir þátttöku sína í sjónvarpsþáttaröðinni The Real Housewives of Potomac, var í fyrradag dæmd í tveggja ára skilorðsbundið fangelsi fyrir að aka ítrekað undir áhrifum áfengis af dómstóli í Montgomery-sýslu í Maryland í Bandaríkjunum. Hún var einnig svipt ökuréttindum til fimm ára.
Huger, 61 árs, var síðast handtekin fyrir ölvunarakstur í mars á síðasta ári þegar hún ók á umferðarskilti.
Þvoglumælt og óstöðug á fótum
Upptaka úr líkamsmyndavél lögreglumanna, sem náðist á vettvangi, sýndi Huger í ansi annarlegu ástandi, en hún var bæði þvoglumælt og óstöðug á fótum. Raunveruleikastjarnan viðurkenndi að hafa drukkið nokkra bjóra áður en hún settist undir stýri.
Huger var meðal annars ákærð fyrir gáleysislegan akstur, skemmdarverk og fyrir að hafa stofnað lífi vegfarenda í hættu.
Hættulegar húsmæður
Þó nokkrar húsmæður úr þessari sívinsælu raunveruleikaþáttaröð hafa gerst sekar um refsiverð brot og fengið mislanga dóma.
Þekktust þeirra er Teresa Guidice úr The Real Housewives of New Jersey. Hún var dæmd í 15 mánaða fangelsi árið 2013 fyrir stórfellt bankasvik og sat inni í 11 mánuði.
Fyrrverandi eiginmaður hennar, athafnamaðurinn Joe Guidice, hlaut þriggja og hálfs árs fangelsisdóm í sama máli.
Kim Richards, ein af vinsælustu húsmæðrum Beverly Hills-útgáfunnar, var handtekin á Beverly Hills-hótelinu í apríl 2015 og ákærð fyrir ölvun á almannafæri og fyrir að hafa veist að lögreglumönnum og hótað þeim.
Aðeins fjórum mánuðum seinna var hún gripin við búðarhnupl í Target-verslun í San Fernando-dalnum. Hún slapp við fangelsi en var dæmd til að sinna samfélagsþjónustu.
Greifafrúin Luann de Lesseps, ein af stjörnum The Real Housewives of New York, var handtekin í desember 2017 og ákærð fyrir minniháttar líkamsárás og ölvun á almannafæri.
Hún eyddi einni nóttu í fangelsi.
Jen Shah, ein af húsmæðrunum úr The Real Housewives of Salt Lake City, var hneppt í varðhald í mars 2021 fyrir meinta þátttöku sína í víðtæku símasvindli.
Shah var dæmd í sex og hálfs árs fangelsi og situr í dag á bak við lás og slá.
Hún mun að öllum líkindum losna úr fangelsi í byrjun nóvember 2026.
Tengdar fréttir
Poppkúltúr
Þrír dæmdir í kjölfar nafnlausrar ábendingar
Byggingaráform um Þjóðarhöll óbreytt
„Þá er tómt mál að tala um lífskjarasókn“
Enginn ber ábyrgð
„Við höfum verulegar áhyggjur“
Ákærður fyrir manndráp eftir að hafa týnst í kerfinu
Enn ein úthlutunarnefnd ríkisins?