Fjölskylda Trachtenberg hafnaði krufningu

Fjöl­skylda banda­rísku leik­kon­unn­ar Michelle Trachten­berg hafnaði krufn­ingu á líki henn­ar af trúarlegum ástæðum og er dánar­or­sök því óút­skýrð.

Frétt af mbl.is

Gossip Girl-leikkona látin

Trachtenberg, sem er best þekkt fyrir hlutverk sín í þáttaröðum á borð við Buffy the Vampire Slayer og Gossip Girl og barna- og fjölskyldumyndunum Harriet the Spy og Ice Princess, fannst látin í íbúð sinni á Manhattan á miðvikudag.

Hún var 39 ára gömul.

Leikkonan háði glímu við áfengisfíkn um nokkurra ára skeið og hafði nýlega gengist undir lifrarígræðslu og mögulega upplifað fylgikvilla í kjölfar aðgerðarinnar, en líklegt þykir að líkami hennar hafi hafnað lifrinni.

Framkvæmdi ytri skoðun

Í yfirlýsingu frá skrifstofu réttarmeinafræðings í New York-borg segir:

„Samkvæmt lýðheilsulögum geta fjölskyldur mótmælt krufningu á grundvelli trúarskoðana, að því tilskildu að enginn grunur leiki á um glæpsamlegt athæfi og/eða aðkallandi ástæður þar sem krufning er talin nauðsynleg og réttarlækni ber að virða það.“

Réttarlæknir framkvæmdi ytri skoðun á líki Trachtenberg en ólíkt er að gerðar verði frekari rannsóknir. 

Frétt af mbl.is

„Buffy“ minnist litlu systur sinnar

Frétt af mbl.is

Óþekkjanleg barnastjarna og aðdáendur áhyggjufullir

• Blogga um frétt