Íslandsvinur kominn með kærustu
Setja bókamerki
Tengdar fréttir
Poppkúltúr
Leikarinn og hjartaknúsarinn Andrew Garfield er sagður vera kominn með nýja konu upp á arminn. Sú heppna heitir Monica Barbaro og er 34 ára gömul.
Barbaro er ein skærasta rísandi stjarnan í Hollywood í dag. Hún vakti mikla athygli fyrir leik sinn í verðlaunamyndinni A Complete Unknown og hreppti nýverið tilnefningu í flokki bestu leikkonu í aukahlutverki fyrir hlutverk sitt í kvikmyndinni sem fjallar um líf tónlistarmannsins Bob Dylan.
Að sögn heimildarmanns bandaríska tímaritsins People hafa leikararnir eytt dágóðum tíma saman síðustu vikur, en þeir sáust meðal annars á röltinu í Lundúnum nýverið.
Garfield, sem bættist í hóp svokallaðra Íslandsvina þegar hann ferðaðist til landsins í desember, hefur reynt eftir fremsta megni að halda einkalífi sínu fjarri sviðsljósinu og því þykir ansi ólíklegt að parið muni opinbera samband sitt á rauða dreglinum á Óskarsverðlaunahátíðinni þann 3. mars næstkomandi.
Garfield, sem verður 42 ára síðar á árinu, hefur verið ansi vinsæll meðal kvenpeningsins og átt í ástarsamböndum við þekktar Hollywood-drottningar.
Meðal þeirra eru leikkonurnar Emma Stone og Phoebe Dynevor og söngkonan Rita Ora. Nú síðast átti hann í nokkurra mánaða sambandi við töfralækninn Kate Tomas. Sambandi þeirra lauk í október í fyrra.
Tengdar fréttir
Poppkúltúr
„Við höfum verulegar áhyggjur“
Örlög Leigufélags aldraðra sorgleg
Myndskeið: Fóru hörðum höndum um Selenskí
Laun þingmanna öðrum hvorum megin við tvær milljónir
Hugsi yfir innkomu ráðherra
„Þið viljið ekkert vera að rugga þessum bát“
Góa tekur yfir Omnom
