Macaulay Culkin, eldri bróðir Óskarsverðlaunahafans Kieran Culkin, brast í grát þegar tilkynnt var um sigurvegara í flokki besta leikara í aukahlutverki á Óskarsverðlaunahátíðinni á sunnudag. Kieran, 42 ára, vann fyrir hlutverk sitt í kvikmyndinni A Real Pain.

„Ég grét,“ sagði Macaulay við sjónvarpsmanninn Tan France er hann mætti í Vanity Fair-fögnuðinn að lokinni Óskarsverðlaunahátíðinni. Leikarinn, sem er best þekktur fyrir hlutverk sín í kvikmyndunum Home Alone, My Girl og Uncle Buck, mætti á viðburðinn ásamt unnustu sinni, leikkonunni Brendu Song.

Kieran fagnaði sigrinum ásamt eiginkonu sinni, Jazz Charton, og öðrum sigurvegurum kvöldsins á hinum árlega Governors Ball-fögnuði.

Fagnaði sigrinum með eiginkonu sinni. Ljósmynd/AFP

Culkin-systkinin eru sjö talsins, en þrjú þeirra hafa átt ágætis velgengni að fagna í Hollywood, sérstaklega á barnsaldri. Frægð Kieran náði þó nýjum hæðum þegar hann hreppti hlutverk í þáttaröðinni Succession árið 2018 og hefur hann verið á mikilli sigurgöngu síðan. 

Kieran Culkin hreppti Óskarinn í flokki besta leikara í aukahlutverki. Ljósmynd/AFP

Tengdar fréttir

Óskarsverðlaunin

Laufey djammaði með stórstjörnum

• Vonbrigði Demi Moore leyndu sér ekki
• Gekk rauða dregilinn tæpum 30 kílóum léttari
• Mætti nánast á evuklæðunum
• Berry smellti rembingskossi á stórstjörnu í miðju viðtali

» Fleiri tengdar fréttir

Poppkúltúr

Zuckerberg reif sig úr fötunum

• Vonbrigði Demi Moore leyndu sér ekki
• Gekk rauða dregilinn tæpum 30 kílóum léttari
• Mætti nánast á evuklæðunum
• Íslandsvinur kominn með kærustu

» Fleiri tengdar fréttir

• Blogga um frétt