Vonbrigði Demi Moore leyndu sér ekki
Setja bókamerki
Tengdar fréttir
Óskarsverðlaunin
Leikkonan Demi Moore hlaut tilnefningu til Óskarsverðlauna fyrir leik í aðalhlutverki í kvikmyndinni Substance. Hún laut í lægra haldi fyrir leikkonunni Mikey Madison, sem hreppti verðlaunin fyrir leik sinn í myndinni Anora.
Samkvæmt varalesara gat Moore ekki dulið vonbrigðin þegar hún heyrði nafn sigurvegarans kveðið upp, en leikkonan á að hafa sagt aðeins eitt orð: „Nice“, eða „fínt“, án þess að brosa. „Hún kinkar kolli líkt og hún hafi þvingað sjálfa sig til að segja þetta,“ sagði varalesarinn Nicola Hickling í við Daily Mail.
Þá á Moore einnig að hafa verið í sjáanlegu uppnámi og með spennta kjálka, samkvæmt Hickling, þegar hún heyrði nafn hinnar 25 ára leikkonu lesið upp.
Ásamt Moore og Madison voru tilnefndar Fernanda Torres fyrir I'm Still Here, Karla Sofía Gascón fyrir Emilia Pérez og Cynthia Erivo fyrir Wicked.
Kvikmyndaferill Moore nær nokkra áratugi aftur og um tíma var hún hæstlaunaðasta leikkona í heimi. Mörgum hefur þó fundist skorta á viðurkenningar frá kvikmyndaakademíunni í garð leikkonunnar og því var von til þess að hún myndi hreppa verðlaunin í gær. Hún hefur þó hlotið fjölda tilnefninga og nokkur verðlaun fyrir leik sinn í Substance, m.a. Critics' Choice Awards.
Tengdar fréttir
Óskarsverðlaunin
Hvað segja sjálfstæðismenn um kjörið?
Hætta flugi til Ísafjarðar
„Hér þarf 350 milljónir til að gera það“
Allt í rúst: „Þetta er rosalegt tjón“
„Skrítið þegar maður fær svona mikinn tíma skyndilega“
Trump gerir hlé á hernaðaraðstoð við Úkraínu
Erfitt án Bandaríkjanna
Ölduhæðin var sex metrar út af Gróttu